OS NENOS E NENAS DE 5 ANOS A ELABORAN E EXPERIMENTAN CUN VOLCÁN

 O 19 de setembro de 2021 iniciouse a actividade do volcán "Cumbre Vieja" en La Palma. Esta noticia estivo con nós día tras día, ata que no mes de decembro se dou por finalizada a erupción debido á súa inactividade.

Na aula de 5 anos A elaboraron un volcán e experimentaron a súa actividade erosiva con productos tan sinxelos coma: plastelina, bicarbonato, lavavaixelas, pintura vermella e tónica.

Podes ver o vídeo se te atreves a practicar coa túa familia!

e poderás aprender máis cousas  dos volcáns

O outono na clase dos Lobos

 

Ola a todos e a todas! Somos a clase dos Lobos e, este outono, exploramos a nosa contorna moi de preto, sempre coa axuda das nosas familias. Tocar, ulir, explorar texturas, tamaños, olores... como nos gusta!

Ensinámosvos algunha das propostas que fomos realizando ao longo desta estación e no primeiro trimestre.

-Instalación artística en forma de mandala

-Caixa do outono realizada coas achegas das familias

-Os colares do outono (millo, améndoas, abelás, landras e castañas)

-As follas e elementos (composicións e clasificacións)

-A árbore do outono  e as súas cores

-Animais do patio

- Manipulación e decoración de cabazas

PEQUEN@S EXPLORADORES/AS - 4 ANOS

 Aproveitando estos días solleiros do outono o alumnado de 4 anos convertímonos en pequen@s exploradores/as .

Saímos a poñer en pràctica todo o que estivemos aprendendo sobre esta estación. Por iso fomos quen de atopar na nosa visita a contorna follas de todas as cores outonais, landras , castañas, ourizos, piñas , dentes de león, cogomelos e mesmo peidos de lobo que fixeron  que non pararamos de rir! 

Unha visita chea de traballo, dun antes e un despois que resumimos así: 

 

6º EP VISITA O PARQUE EÓLICO EXPERIMENTAL DE SOTAVENTO

 O alumnado de 6º EP visita o Parque Eólico Experimental de Sotavento, o 9 de novembro. 

Da man dos monitores do Parque eólico fixemos un percorrido polas distintas fontes de enerxía e comprobamos que aproximadamente o 64% da enerxía eléctrica que consumimos procede de fontes de enerxía non renovables. 

  

Centrámonos despois nas fontes de enerxía renovables. Fixemos dous pequenos experimentos para ver como se transforma a enerxía solar en enerxía eléctrica e en enerxía térmica. 

       

Aproveiatamos que tiñamos un día solleiro e puxemos en marcha a cociña solar para quentar o leite e facer un delicioso chocolate, que degustamos na metada da mañá.

Entramos nun aeroxerador para ver o seu interior e logo achegámonos ao taller para observar de preto as distintas partes das pezas da góndola e o seu funcionamento. 

   

 

Por último, entramos na vivenda bioclimática do Parque e alí puidemos ver como aproveitar os recursos que nos ofrece a natureza para aforrar enerxía á hora de quentar a casa, así como distintas medidas de aforro enerxético. 

  

 

  

 

 

VISITA A CASTRO CURBÍN

 O martes, 21 de setembro o alumnado de 6ºEP visitou as excavacións arqueolóxicas que se están a realizar en Castro Curbín.

Recibiunos na entrada un dos arqueólogos e axudounos a interpretar a paisaxe que se ve ao chegar. 

  

Dirixímonos á entrada do castro e contounos que só van estar traballando na zona dez días, pero que esperan voltar pronto para continuar co labor que están facendo. 

  

Fixeron xa tres buracos. Nos dous primeiros non houbo sorte e só atoparon rocha, pero no terceiro si apareceron cousas moi interesantes: restos dos muros dunha casa do castro, un xogo de mesa da Idade de Ferro, moitos restos de cerámica, un broche... 

  

Moitísimas grazas por amosarnos a importancia de conservar esta parte do noso patrimonio cultural. 

PRIMAVERA

 

Este ano , na aula de tres anos participamos no plan proxecta en PAISAXE E SUSTENTABILIDADE , por iso coa chegada da nova estación e estes solleiros días de sol , na nosa aula , consideramos que era o momento oportuno para plantar as nosas sementes da horta nun pequeno invernadoiro que a profe nos mercou.

Pero... para que serve un miniinvernadoiro coma este? Que imos sementar? Que precisan as sementes para medrar? E despois... Que facemos? 

Todas estas preguntas fomos respondendo a medida que fomos realizando a actividade. 

Preparamos o que íamos a precisar: invernadoiro, terra, sementes (Cabaza, pepino,  , pementos e tomates) , e auga e puxémosnos mans a obra! En breve ensinarémosvos cal foi o resultado a volta do descansiño de semana Santa e a sorpresa que levamos cando fomos a mirar se as nosas sementes naceran!

 

Despois de plantar,  cada encargado do día era o responsable tamén de regar e vixiar de que as nosas plantas recibiran o sol suficiente para poder nacer. 

E vaia sorpresa levamos ! Mirade que fermosas estàn ! 

Isto si que é ser uns e unhas xardiñeir@s escepcionais! Bo traballo peques!

 

 

COIDADOS DAS PLANTAS

 

O Longo de este terceiro trimestre continuamos traballando as plantas e as súas necesidades para poder vivir. Fixémolo a través din Lapbook en forma de flor que nos serviu para aprender divertíndonos e descubríndo.

 Só temos que levantar cada pétalo por orde( repasando así os números) e descubrimos  as necesidades para que as plantas medren e sobrevivan.

 

1-  Que precisan as plantas para sobrevivir?

2- AUGA 💦

3-SOL  💥

4-TERRA E ABONOS 💩

5-AIRE 💨

as

VISITA A UN ENTORNO NATURAL E COIDADO DOS ANIMAIS

 

Tras un ano atípico decidimos en 3 anos programar unha merecida saída completando o noso proxecto sobre a os animais da granxa. 

Decidimos facelo ao centro ecuestre Marco Das Pias! Alí puidemos coñecer a fondo o coidado dos cabalos, a súa alimentación ( mesmo tivemos ocasión de darlle unha chuche a algún deles e sentir unha nova sensación) , a hípica como deporte  e finalmente puidemos cepillar a Pistolas e Cangrexo, OS dous ponis que fixeron as delicias dos màis pequenos ! Atreveríadesvos a montamos? Nós así o fixemos e mesmo algún/ha quixemos repetir.

Acompañounos durante toda a xornada un amigo fiel: O mastín Pistón! 

Aquí vos deixamos un resumo en imaxes ! Pasàmolo xenial!! 

 

APRENDEMOS A RECICLAR

 

Dentro do programa do plan proxecta na modalidade de SUSTENTABILIDADE E PAISAXE na aula de tres anos elaboramos un Lapbook .  Este tipo de aprendizaxes son moi motivadores e aprendemos dun xeito diferente, divertido e manipulativo.  En esta ocasión traballamos utilizando  diferentes técnicas a RECICLAXE. 

Sabedes  reciclar? Cales son as cores dos diferentes contenedores? Que tiramos en casa un de eles? 

Nós traballàmolo a través de este Lapbook . Levantamos a solapa de cada contenedor e temos os diferentes envases que debemos tirar en cada un de eles!

 

DÍA MUNDIAL DO MEDIO AMBIENTE

 O Día Mundial do Medio Ambiente é o maior evento da ONU para o fomento da acción en favor da conservación do medioambiente. Conmemórase o 5 de xuño e celebrouse  por primeira vez en 1974 onde se insta a gobernos e organizacións a que "emprendan actividades que reafirmen a súa preocupación pola protección e a mellora do medioambiente, con miras a facer máis profunda a conciencia dos problemas do medioambiente."

O alumnado do CEIP de Arzúa quixémonos sumar a este loita e elaboramos este mural colectivo que leva por título "ESTAMOS A TEMPO..."

                   

E como aínda estamos a tempo de protexer o que queda e reparar o danado, cada aula rotulou e debuxou diferentes lemas que axudarán nesta importante loita, creando así a forma dun reloxo:

1. Non tires lixo ao chan.

2. Reutiliza todo o que poidas.

3. Utiliza a auga de xeito responsable.

4. Recicla para xerar novos produtos.

5. Utiliza o papel reciclado.

6. Aproveita a luz natural.

7. Reduce o uso de envases.

8. Evita o uso das bolsas de plástico.

9. Aposta polo transporte público e as bicicletas.

10. Desconecta os aparellos eléctricos que non uses.

11. Planta árbores para reducir o quencemento global.

12. Evita utilizar produtos químicos.

 

 

 

MURAL REALIZADO POLO ALUMNADO DE 5º A

Este curso, para desenvolver moitos dos contidos relacionados co eixe vertebrador escollido polo centro "Medioambiente e saúde", na aula de 5ºA de E.Primaria puxemos en marcha este mural. 

O mural, que preside o fondo da aula, leva por título "Cóidate! Cóidao!". Nel aparecen as nosas propostas para evitar a contaminación do aire, da auga e do solo. Tamén, consellos que debemos ter en conta para contribuír a un desenvolvemento sostible do noso planeta e, por último, a nosa aposta polas enerxías limpas. 

A PAISAXE DE CHAIRA

Os alumnos e alumnas de 4º seguimos a estudar os diferentes formas de relevo. Desta vez estudamos como se vive nunha zona de chaira.

DÍA DO MEDIO AMBIENTE-5 ANOS A

 Mañá, 5 de Xuño, é o día Mundial do Medio Ambiente e na clase de 5 anos A do CEIP de Arzúa adiantámonos facendo esta coroa tan divertida coa "cara" sorrinte do noso planeta e un montón de corazóns que simbolizan canto lle queremos á nosa Terra e as ganas que temos de coidala ben.