SAIMOS A DESCUBRIR UNHA NOVA ESTACIÓN

 Aproveitando os días solleiros saímos a explorar elementos da nova estación : PRIMAVERA. 

Buscamos insectos, recolectamos follas e flores para logo clasificar e realizar Unha actividades plástica de impresión  con elas. 

RECICLANDO

 Na aula de 3 anos estamos aprendendo a facer un lapbook  sobre reciclxe. Sabedes en que contenedor debemos tirar cada material?? 

 

Obradoiro de Arte Reciclado na biblioteca

 Seguimos a desfrutar dos obradoiros na nosa Biblioteca Creativa, esta vez da man de Raquel Germade, muralista e pintora que, representado á escola de Arte Allegro Os Tilos, deseñou coa axuda dos alumnos e alumnas de 3º de Primaria un cuadro para dar a benvida á primavera. Cun lienzo de cores, flores de plástico e reciclando papel e cartón, o resultado quedo precioso! Así que colgaremos a obra de arte deste obradoiro no rincón chill out da nosa biblioteca.

VISITA A MARCELLE - 4 ANOS A e B

O pasado 23 de abril, os nenos/as de 5º de Educación Infantil visitamos o parque zoolóxico "Marcelle Natureza". Durante a saída, puidemos observar e coñecer especies animais dos diferentes continentes do noso planeta así como apreciar o coidado e o mantemento do seu hábitat. Así mesmo, tamén tivemos a oportunidade de ver esculturas talladas sobre madeira. Foi un día moi emocionante e especial! 

DECORAMOS RECICLANDO

 Chegou a primavera e con ela as cores e o sol! 

E así de chula nos quedou a nosa porta con insectos de primavera utilizando material de refugallo con tubos de cartón de papel hixiénico. 

Todos e todas uns e unhas artistas! 

O ENREDO DO ABELLEIRO

 O alumnado de 3 anos visitamos o ENREDO DO ABELLEIRO , enmarcado nunha PAISAXE preto do encoro de Portodemouros.

Unha paisaxe rodeada de plantas e flores precisas para o traballo das abellas. 

XARDIÑEIR@S E ARTISTAS

 Chegou a primavera e con ela o sol e as flores. En tres anos realizamos diferentes actividades primaverais :

Plantamos 

Manipulamos e traballamos os sentidos

Realizamos cadros fantàsticos utilizando flores recollidas por nós mesmos

AMÉRICA , PAISAXE E CULTURA.

 Neste entroido tocou disfrazarse de países do mundo. A aula de 3 anos viaxamos o continente Americano buscando a calor do sol.

A sombra dos plataneiros Unha fotaza sacaremos! 

O POBO INUIT E A PAISAXE POLAR

 Este curso no CEIP de Arzúa estamos a traballar as distintas culturas que hai no mundo.

Para o entroido a clase de 5 Anos A escollemos disfrazarnos de "esquimós" e por iso decidimos investigar e facer un traballiño sobre a cultura INUIT. Esta palabra significa "pobo", e non lles agrada que lles chamen esquimós, que significa "persoa que come carne crúa".

Aprendemos cousas sobre onde viven, que comen, como se desprazan, que obxectos usan e con qué os fan. Teñen uns xogos e uns intrumentos musicais moi chulos.

Tamén vimos que é a aurora boreal e os animais que viven preto dos inuit. Sabiades que no Polo Norte non hai pingüíns? Só viven no polo sur.

Falamos do quentamento global e do desxeo dos casquetes polares cunha poesía sobre un osiño polar que estaba moi triste por este motivo.

Fixemos un libriño no que recollemos as cousas que aprendemos e deixámosvos aquí unha pequena mostra das súas páxinas.

BOLSAS DE "SEGUNDA MAN"

 Seguindo o exemplo da profe Alicia, na aula de 5 Anos A do CEIP de Arzúa reutilizamos bolsas de papel que tiñan os peques na casa para levar os traballilos do segundo trimestre, no canto de mercar bolsas novas e evitar así tirar as vellas e xerar máis lixo.

Démoslles unha nova "vida" pegándolles papeis de cores e uns debuxiños.

Quedaron tan bonitas que se poden usar para gardar cousas e decorar os seus dormitorios.

AS VACAS E A FESTA DO QUEIXO DE ARZÚA

 Cada ano, na primeira fin de semana do mes de marzo celébrase en Arzúa a Festa do Queixo. 

Con este motivo, parte do alumnado do Ciclo de EI da EFA de Arzúa veu á nosa aula de 5 Anos A do CEIP de Arzúa para falarnos sobre as vacas e a súa importancia na paisaxe, na economía e na alimentación en Galicia.

Todo isto fixérono mentras xogamos ao "Twister do Queixo" e decoramos uns debuxos dunhas vacas.

E déronnos unhas medallas por facelo tan ben! 

VISITA AO MUSEO DE HISTORIA NATURAL DE SANTIAGO

 O pasado 12 de marzo o alumnado de 6° de EI do CEIP de Arzúa visitou o Museo de Historia Natural da Universidade de Santiago de Compostela.

Alí aprenderon unha morea de cousas sobre os animais e os seus distintos habitats, así como sobre o xeito no que os estudan no museo.