PAISAXES DO MUNDO 4º EP

 O alumnado de 4º de EP realizou estas oito láminas que representan diferentes paisaxes do mundo ou diferentes medios nos que habitan diversos animais. 

Traballamos deste xeito o medio, a flora, a fauna e os diferentes hábitats.

Quedounos así de bonito!

AS PLANTAS

Os alumnos e alumnas de 2º curso de Educación Primaria estivemos a estudar as plantas (partes e funcións das mesmas). Aproveitamos o agasallo dun compañeiro para plantar uns bulbos. Primero, plantámolos nuns recipientes pequenos con terra ben aboada e regamos a miúdo. Cando xermolaron o suficiente pasamos a transplantalos aos bancais do noso invernadoiro.

SISTEMA SOLAR

Os alumnos e alumnas de segundo curso de Educación Primaria estivemos a estudar o Sistema Solar. Representamos a Vía Láctea, vimos a súa etimoloxía e elaboramos un lapbook. Para levar a cabo tanta tarefa cada neno e nena levou para a casa un libro sobre esta temática. Despois da súa lectura tiveron que comentar e explicar ao resto dos compañeiros e compañeiras algunhas curiosidades sobre o universo e o Sistema Solar.

TERRARIO AUTOSUFICIENTE

Que é un terrario autosuficiente? É un espazo cerrado para que viva unha planta sen necesidade de aire, humidade nin alimento do exterior, parece maxia! Os nenos e nenas de 2º curso fixemos o noso propio terrario autosuficiente, seguindo estes pasos: Fai falta un recipiente de cristal,con peche hermético. Elixir ben a planta que se utilicen, non todas serven. Poñer pedriñas no fondo do recipiente e encimas destas terra moi ben abonada. Poñer a planta sobre a terra con moito coidado. Observar a súa evolucion durante uns días. Regar e pechar o frasco. A planta vai crear o seu propio ciclo da vida. As follas mortas achegarán nutrientes, as follas captarán a luz solar e xerarán osíxeno e, como o recipiente vai estar pechado, non se perderá nin unha gota de auga.

OBRADOIRO DE USO DE MATERIAS DE RECICLAXE PARA ADORNAR OS NOSOS XARDÍNS PARA ALUMNADO DE 4º

 O pasado 20 de abril participamos neste obradoiro da man de Educalecrín.

Primeiro poidemos observar con liberdade todo o que estaban a preparar e realizar nesa zona do noso colexio co novo xardín ecolóxico.

Logo, a guía do mesmo, Yolanda "Bosquenauta", ensinounos como aprender a mirar as cousas que nos rodean con máis detalle, Para iso, fixenos dous grupos. Uns eran os "descubridores" e outros eran os "marenautas".

Os descubridores empregaron un "descubridor" feito con cartón, que lles permitiría observar e prestar máis atención ás cousas da natureza que nos rodeaban.

Os marenautas descubriron cousas do mar como cunchas, buguinas...

Para rematar o taller,  convidounos a construir algo para decorar o xardín empregando materiais de reciclaxe, coa finalidade de que perduraran no tempo.

Debían construir, por equipos, obxectos que se colgarían para que fixeran ruido natural e formaran parte dos adornos deste xardín ecolóxico.

Para iso, empregaron unha corda, cunchas paus, paus de bambú...

Quedaron moi bonitos e aos rapaces e rapazas fíxolles moita ilusión poder participar na decoración deste xardín.

OBRADOIRO DE ESPECIES VEXETAIS DO XARDÍN ECOLÓXICO PARA O ALUMNADO DE 3ºB

Hoxe, 20 de abril, o alumnado de 3ºB asistiu a un obradoiro sobre as especies vexetais do xardín ecolóxico que se está a facer no noso colexio.

Primeiro recibiron unha pequena charla explicativa para identificar as especies plantadas no horto ecolóxico e a razón de por que se escolleron esas especies e se colocaron dunha determinada maneira. Así descubriron que as plantas aromáticas como a lavanda e o tomiño protexerán a outras plantas porque o cheiro que desprenden espanta a certos insectos. Tamén viron as asociacións que se establecen entre certas especies; por exemplo, as fabas vanlle proporcionar nitróxeno ás cebolas e as acelgas que se plantaron ao lado e permitirán que medren antes. 

A continuación, dividiuse a clase en varios grupos e comezaron a traballar. Un grupo rotulou en anacos de tella os nomes das plantas do horto, que despois foi poñendo no sitio correspondente; outro foi colocando mazorcas de millo para delimitar a zona de plantación e marcar mellor os camiños entre as plantas e así poder achegarnos a elas sen danalas; o terceiro plantou sementes a carón da parede colocando especies que van protexer o noso horto e o cuarto foi regando as plantas. 

OBRADOIRO DE ESPECIES ANIMAIS DO XARDÍN ECOLÓXICO PARA O ALUMNADO DE 3ºA

Na xornada de hoxe, 20 de abril, o alumnado de 3ºA asistiu a un obradoiro de especies animais do xardín ecolóxico que se está a facer no noso colexio.

As monitoras explicáronlle aos nenos e nenas que tipo de animais podiamos atopar: reptís, aves, insectos e anfibios. Logo amosáronlles unhas guías con fotografías para que puideran identificalos. A continuación, dividiuse a clase en dous grupos; un foi polo patio buscando paxaros e outros animais e o outro terminou de facer a poza dos anfibios que vai servir de refuxio ás ras. 

O primeiro grupo puido identificar pardais, merlos, lavandeiras, lagartos, xoaniñas...

O segundo grupo tivo que carrexar agua e ir colocando diversos materiais para acabar de preparar a poza. 

 

                                                                                           

Visita ao Acuarium Finisterrae

 O pasado 27 de marzo o alumnado de Educación Infantil visitou o Acuarium Finisterrae da Coruña.

Viron un montón de especies mariñas distintas e aprenderon un montón de curiosidades sobre o mar.

Tamén vimos unha áncora do "Mar Exeo", o petroleiro grego que naufragou na costa da Coruña no ano 1992.

Semana da Prensa e mais Ecoloxía

 A semana do 6 ao 10 de marzo traballamos na aula de 4 Anos A a Semana da Prensa facendo o noso propio xornal connoticias que nos gustaría que sucedesen. Entre elas aparecen algunhas sobre ecoloxía e o coidado do medio ambiente.

Coidemos o Mar e os Ríos

 Ao longo do segundo trimestre, na aula de 4 Anos A traballamos aspectos relativos ao mar e os ríos e aos seres que viven neles.

Vimos que é importante para o noso planeta e para a nosa saúde coidalos e mantelos limpo.

Fixemos varias manualidades moi paveras como elementos motivadores deste tema.

Disfraces e caretas:

Un imán para a neveira:

Xogo de carreiras de tartarugas mariñas:

Xogo con imáns para limpar o mar:

Un quebracabezas:

Un xogo para atopar parellas:

Varios balancíns para decorar ou para facer competicións sobre cal se move durante máis tempo:

Varios Debuxos "mariños":