CHARLA SOBRE A ANTÁRTIDA

 O venres, 16 de setembro, tivemos a sorte de recibir no noso colexio a un antigo alumno do centro, Damián García Castro, doutorado en Física.

O arzuán participou nun proxecto de investigación na Antártida, concretamente na base científica española, alí situada.

Contounos de primeira man en que consistiu o proxecto de investigación que o levou á Antártida, cunha presentación moi bonita da que aprendemos moitísimas cousas descoñecidas deste continente.

Ademais de coñecer en que consistía o seu traballo, situamos, en primeiro lugar, a Antártida no mapa.  Logo, coa axuda das imaxes que nos amosou, poidemos coñecer moitas cousas deste continente: cal é a súa temperatura, como se vive, a vestimenta que hai que utilizar, que podemos ver, os animais que alí habitan…

Foi moi emocionante que compartira con nós as imaxes e vídeos que el mesmo sacou alí na súa viaxe, escoitar as súas vivencias e anécdotas e descubrir tantos datos descoñecidos da Antártida para nós.

Agradecemos a túa visita, Damián!

 

Alumnado de 1º e 2º de Educación Primaria

 

 Alumnado de 3º, 4º, 5º e 6º de Educación Primaria

OBRADOIRO DE IDENTIFICACIÓN DE FAUNA ÚTIL

 Este mércores, 15 de xuño, levouse a cabo un “Obradoiro de Identificación de fauna útil” organizado pola ANPA O FORMENTO para todo o alumnado do colexio.

Este taller realizouse en tres quendas (unha para Educación Infantil e outras dúas para Primaria) onde a cada grupo de rapaces e rapazas se lles asignou un nome: tivemos os grupos das xoaniñas, os dos morcegos, os das abellas e os dos paporroibos.

Co alumnado de Educación Infantil realizáronse as seguintes actividades:

* En primeiro lugar, realizouse unha breve introdución explicando a problemática actual de perda de ecosistemas e hábitats de numerosos seres vivos por causa do dominio que ten a nosa especie no planeta que, xunto co cambio climáticos, son dúas das pedras angulares coa que terán que lidiar nun futuro non moi lonxano.

                   

* Logo, realizaron un mural interactivo colocando cada foto de cada animaliño no  seu hábitat correspondete, coa finalidade de recoñecer e representar a través de imaxes a fauna e flora. Este mural estaba composto de diferentes zonas:

Zona baixo terra: miñocas, toupas, raíces…

Zona herba: xoaniña, biscante, margaridas…

Zona poza: sapo, píntega…

Zona árbore: araña, formiga…

Zona cortizo: abellas…

                   

 

 

* Puideron coller un biscante, buscar unha miñoca, viron un cortizo e falaron del…

                    

 

* A seguinte actividade consistiu na construción e decoración de casas niño e caixas de morcego. Deste xeito, os nenos e nenas aprenderon a través de varias manualidades a construir novos espazos naturais para diferentes animais con elementos totalmente biodegradables.

Para rematar, colgaron as casiñas para os paxaros e morcegos nas árbores do patio do colexio.

                

 

* Hotel de insectos: entre todos os cursos crearon un hotel de insectos beneficiosos. Aquí vemos aos nenos e nenas de Infantil.

                           

 

O alumnado de Educación Primaria realizou as seguintes actividades:

* Introdución, da que falamos anteriormente.

                      

* Realización dun xogo cuestionario: consistiu nun xogo de preguntas para que os rapaces e rapazas poideran xogar, debater e competir estre aulas. Había tres respostas posibles, e logo de que se formulara a pregunta, cada aula debía debater e intentar chegar á resposta correcta, para despois levantar a tarxeta que consideraba que daba lugar a esa resposta verdadeira. Acertaron a maioría delas!

                   

* Realización e decoración de caixas niño e caixas de morcegos.

 

* Creación dun hotel de insectos. Os rapaces e rapazas de Primaria remataron a construcción deste hotel.

                                

O venres, levarase a cabo a “solta de bichos”: todo o alumnado interactuará de forma directa con diferentes especies de insectos útiles a través de xogos de contacto.

Cada clase inaugurará o seu hotel boidegradable para deixar en liberdade a toda esta fauna.

 

Desfrutamos e aprendemos moito!

A importancia do contorno no proceso de ensino aprendizace

 Deixámosvos aquí o vínculo de acceso ós exemplos de algunhas das nosas propostas neste curso: 

https://aulainfantilarzua.blogspot.com/?m=1

Aula 6° Infantil Grupo B, curso 2021/2022

O MAR

 Chega o verán e na aula de 3 anos A quixemos saber cousas sobre o mar, a súa fauna e flora, as actividades que podemos facer nel,  como debemos coidalo, as súas lendas, etc.

A PRIMAVERA

 A primavera ten moitísimas flores, animais, e outras cousas que ver e sobre as que falar e traballar. Despois de investigar e falar sobre elas, na aula de 3 Anos A fixemos varias manualidades.

AS PAISAXES E A PRENSA

 Na Semana da Prensa na aula de 3 Anos A vimos algunhas noticias sobre a natureza, o tempo climático etc. E falamos sobre elas. Despois fixemos unha paisaxe de choiva primaveral e outra duha balea no océano con papeis de xornal.

AS CASTAÑAS

 As castañas son un elemento importante das paisaxes de Galicia no outono, así como da súa historia, da súa gastronomía e da súa cultura. Por iso na aula de 3 Anos A quixemos adicarlle a este alimento varios traballiños.

PAISAXES DE OUTONO E INVERNO.

 Na aula de 3 anos A, no primeiro trimestre, fixemos uns traballiños das paisaxes de outono e de inverno, falamos das súas diferencias, de cal nos gusta máis e do que temos que facer para manter as paisaxes limpas e "saudables".

DÍA MUNDIAL DO MEDIOAMBIENTE

 As Nacións Unidas designaron o 5 de xuño como Día Mundial do Medioambiente coa finalidade de sensibilizar á poboación mundial acerca da importancia de coidar os nosos ecosistemas e fomentar o respecto ao medioambiente.

Deste xeito, preténdese motivar ás persoas para que se convirtan en axentes activos do desenvolvemento sustentable e equitativo e fomentar a cooperación para que o medioambiente sexa sostible.

Iso mesmo é o que fixemos no colexio. Traballamos a gran importancia e o por que desta conmemoración e elaboramos neste mural colectivo baixo o lema “Como podemos coidalo?" onde cada aula decorou e rotulou nun contedor diferentes respostas a estas preguntas:

                               

 

Non malgastando a auga.

Limpando os espazos naturais.

Mantendo limpas as augas dos ríos e praias.

Reciclando.

Evitando o uso de plásticos.

Usando o transporte público.

Conservando o noso contorno.

Reducindo o uso de pesticidas.

Usando enerxías renovables.

Reutilizando recursos.

Reducindo o consumo.

Facendo uso dos puntos limpos.

Non malgastando a enerxía.

 

                Alumnado de 4 anos

AS FRAGAS GALEGAS: BIODIVERSIDADE E CONSERVACIÓN

 O día 2 de xuño, o alumnado de 1º de primaria puido gozar dun obradoiro levado a cabo por Educalecrín. Comezouse a falar das árbores das fragas galegas e dos animais como o xabaril, os teixugos ou porcoteixos, o lobo, o corzo,o oso...

Logo levouse a cabo un xogo: entregaron caixas que contiñan pegadas de animais, fotos deses animais e características dos mesmos. Por grupos, tiveron que relacionar: animal-característica-pegada.

Outra actividade consistiu en escoitar os sons dos animais (a música da natureza, o son da fraga) e adiviñar de que animal se trataba.

Finalmente, os nenos e nenas puideron visualizar máis fotos de animais.

Foi moi entretido. O vídeo xa o di todo!!!

PAISAXES REALIZADAS CON MATERIAL RECICLADO QUE LEVAN INCORPORADO UN CIRCUÍTO ELÉCTRICO

O alumnado de 6ºA  incorporou un circuíto eléctrico dentro dunha paisaxe realizada con material reciclado.  Este foi o resultado!

Con todas as paisaxes montouse unha exposición na primeira planta do colexio para que todos os alumnos e alumnas doutros niveis puidesen velas. Os máis pequenos e pequenas do cole son os que máis desfrutaron visitando a exposición.

Celebramos as conmemoracións con recursos naturais.

 

Polo día da nai aproveitamos que  estamos a traballar coas plantas aromáticas  para elaborar uns xabóns curandeiros. Quedaron fantásticos!

 

 

 

E.... polo día da familia, elaboramos  uns  xoeieiros e uns perfumes de rosas para compartir entre os diferentes membros.

Ummmm... que ben arrecenden!

 

 

Na clase Dos Lobos andamos a investigar os vermes de seda. Agora mesmo, están na fase de larvas. Estamos abraiados  do que medran cada día. Comen moitas follas de Moreira!

-        -Casa elaborada para os vermes

-        - 1º Fase: Ovo

-        - 2ºFase: Primeira Idade (Larvas). Comezaron a eclosionar os ovos. Naceron as larvas con moitos peliños. A medida que vaian medrando a súa cor vai aclarando.

-        

TALLER DE RECICLAXE E COMPOSTAXE

 

O día 18 de maio, o alumnado de 1º de primaria levou a cabo un taller de Reciclaxe e Compostaxe a través do Concello de Arzúa.

Por que é importante reciclar?

Tratáronse temas como:

Os seres vivos dependen de como nós cuidemos o planeta.

Deforestación, arrancando árbores dun xeito non respetuoso co medio ambiente.

Reciclar papel

Restos de comida 

Composteiro

Leváronse a cabo actividades por grupos:

- Repartíronse fichas para facer en grupo sobre os contidos expostos: entrega de residuos para colorear e meter no contedor que corresponda e poñer o nome do contedor.

- Actividade de compostaxe: buscar bichiños no compost coa axuda de lupas, guantes e pauciños.