Coa chegada da nova estación, o alumnado de 6º de educación infantil comezamos a traballala elaborando un mural colectivo, en equipo, despois dunha posta en común na asamblea dos diferentes animais e características das prantas propias de esta estación .
O 23 de marzo, o alumnado de 3º B plantou nos bancais que temos no invernadoiro do colexio, tomateiras e leitugas. Estas plantas foron mercadas o día anterior polos nenos e nenas de 1º A e 1º B que visitaron a feira que se celebra en Arzúa.
Agora teremos que facer un seguimento das nosas plantacións para ver como medran as leitugas e os tomates.
Este mes de Marzo estivemos traballando con Vivaldi nas clases de música. Coas audicións das catro estacións do compositor, intentamos imaxinar como pintaban a natureza os instrumentos de corda, e falamos das paisaxes que describe Vivaldi en cada canción para logo representalas nun debuxo. O alumnado podía escoller o tipo de representación que querían transmitir no seu debuxo, pois podía ser unha paisaxe representada ou podían intentar plasmar as emocións e sensacións que lles provocaba a música. Aquí deixámosvos uns exemplos dos seus traballos:
Despois de falar das diferentes paisaxes do mundo, os nenos e nenas de 4º debuxáronse sobrevoando diferentes lugares do mundo onde amosaron as vistas que tiñan desde as súas alfombras máxicas.
Así de bonitas quedaron!
O alumnado de 4º realizou este mural no que decorou unha paisaxe empregando a técnica de colorear con símbolos ( círculos, liñas, ondas...).
Quedou así de bonito!
O alumnado de 3º E.Primaria quixo con este traballo plástico representar o ciclo da auga. O encuadernador que lle colocamos no centro permite desprazar as gotas da auga que pintamos nun triángulo transparente para amosar que esas precipitacións que caen das nubes, cando chegan ao terreo, algunhas fíltranse polo terreo e almacénanse baixo terra formando as augas subterráneas. Outras van parar aos ríos e de alí ao mar, onde esa auga se evapora e ao arrefriarse, condénsase e orixina as nubes. Por medio das precipitacións, a auga regresa á superficie terrestre en forma de chuvia, neve ou saraiba, e desemboca finalmente nos mares e océanos, completando deste modo o ciclo. O ciclo da auga repítese!!
A agua, ademais da importancia que ten para a existencia da vida, é un recurso que está directamente relacionado co clima e coa paisaxe do noso planeta. A configuración da paisaxe depende do ciclo da auga, xa que a circulación de auga dos continentes ao mar é a principal responsable do desgaste da superficie terrrestre e, por tanto, da formación do relevo.
O 23 de xaneiro, o alumnado de 3ºA e 3ºB asistiu a unha sesión formativa sobre contaminación atmosférica impartida por persoal de Meteogalicia, en Santiago de Compostela. Alí explicáronnos cales son os gases e partículas que contaminan o aire, a súa orixe e como podemos facer nós para mellorar a calidade do aire que respiramos.
Ao rematar esta charla explicativa, desprazámonos andando ata a "Estación de calidade do aire" que está preto do edificio de Meteogalicia. Alí a nosa guía explicounos como se realizan as medicións de gases e partículas que contén o aire e o funcionamento dos aparatos que hai en dita estación. Os resultados clasifícanse por cores, correspondendo o azul, ao aire máis limpo; o amarelo, ao aire que ten algúns gases contaminantes; e o morado, ao aire moi contaminado.
Agora xa sabemos consultar en Internet como é o aire no noso municipio ou nalgún lugar próximo.
