CALIGRAMAS PAISAXE - 6º

 Na aula de 6º estivemos traballando cos CALIGRAMAS, as composicións poéticas nas que as palabras forman un debuxo relacionado co contido do poema. 

A temática dada foi: ELEMENTOS DA PAISAXE.

Amosámosvos un pequeno collage con algúns dos resultados.

TIPOS DE PAISAXES - 6º EP

 Durante este curso o alumnado de 6º traballou cos diferentes tipos de paisaxes.

Entre as diferentes actividades que realizamos estaba a de escoller unha paisaxe que nos gustaría visitar e plasmala nun papel. Estes foron algúns dos debuxos:

A IMPORTANCIA DA AUGA - 6º EP

 

Paisaxes terrestres, paisaxes acuáticas, animais, plantas, persoas... todos precisamos da auga para vivir. Ademais, non debemos esquecernos que máis do 70% do noso peso corporal é auga.

O alumnado de 6º EP ilustramos a importancia da auga nestes murais.

Do mesmo xeito, escribimos diferentes lemas sobre a auga. 

 

AS ABELLAS E A SÚA IMPORTANCIA NA NOSA PAISAXE - 3 ANOS B

Ao longo do mes de abril, o alumnado de 4º de Educación Infantil estivemos investigando sobre un ser vivo moi importante para a nosa paisaxe: as abellas. Comezamos observando a súa anatomía e, axudándonos dunha lupa, identificamos as diferentes partes do seu corpo profundizando nas diferencias entre as abellas e as avespas. Tamén descubrimos o seu hábitat, os tipos de abella que o habitan, a figura do apicultor e o proceso de polinización e da elaboración do mel. Todos os coñecementos adquiridos víronse reforzados a través da saída didáctica ao "Enredo do Abelleiro" onde, ademais de seguir aprendendo sobre a importancia das abellas para a sustentabilidade da nosa contorna, os nenos/as puideron participar nun taller de elaboración de mel e de velas. 

PAISAXES DO MUNDO 4º EP

 O alumnado de 4º de EP realizou estas oito láminas que representan diferentes paisaxes do mundo ou diferentes medios nos que habitan diversos animais. 

Traballamos deste xeito o medio, a flora, a fauna e os diferentes hábitats.

Quedounos así de bonito!

AS PLANTAS

Os alumnos e alumnas de 2º curso de Educación Primaria estivemos a estudar as plantas (partes e funcións das mesmas). Aproveitamos o agasallo dun compañeiro para plantar uns bulbos. Primero, plantámolos nuns recipientes pequenos con terra ben aboada e regamos a miúdo. Cando xermolaron o suficiente pasamos a transplantalos aos bancais do noso invernadoiro.

SISTEMA SOLAR

Os alumnos e alumnas de segundo curso de Educación Primaria estivemos a estudar o Sistema Solar. Representamos a Vía Láctea, vimos a súa etimoloxía e elaboramos un lapbook. Para levar a cabo tanta tarefa cada neno e nena levou para a casa un libro sobre esta temática. Despois da súa lectura tiveron que comentar e explicar ao resto dos compañeiros e compañeiras algunhas curiosidades sobre o universo e o Sistema Solar.