O VERÁN

 Agora que chegou o verán é importante concienciar aos máis cativos dos riscos ecolóxicos desta estación como son os incendios ou a contaminación das praias entre outros.

Na clase de 5 Anos A falamos longo e tendido sobre o que se debe facer e do que non se debe facer para manter o noso planeta limpo no verán: non tirar lixo no monte nin nas praias, levar connosco o material de refugallo que xeremos, non levar "recordos" das praias e outros espazos naturais, non molestar aos animais da contorna que visitemos, avisar aos servizos de emerxencias que sospeitamos que algo non anda ben, etc.

Para rematar esta actividade fixenos un quebracabezas dunha praia e falamos do que debería facer o hipopótamo que está alí cando chega, mentras está na praia e cando marche, para manterse san e coidar a contorna.

A NATUREZA NA PINTURA

 Os nenos e as nenas de 5 Anos A do CEIP de Arzúa fixemos un traballo sobre distintos pintores e pintoras recoñecidos da historia como Van Gogh, Frifa Kahlo, Romero Britto, Miró, Picasso, etc.

Fixámonos especialmente nos seus cadros que representan elementos da natureza e falamos sobre eles.

Aquí deixámosvos unha pequena mostra dalgúns dos cadros que reproducimos, xa que a lista de cadros que vimos foi longa.

SEMENTES DE MELÓNS

 As sementes dos melóns son máis grandes cas de outras hortalizas e por iso son máis fáciles de coller.

Xogamos con Crystal e Rubén a contar cantas sementes nos quedaban nun sobre que nos deixaron e repartímolas entre os dous. 

Logo fixeron buraquiños na terra das súas "minihortas" e regáronas case todos os días.

Tardaron algo máis en nacer ca os tomates cherry que sementaron os seus compañeiros pero finalmente levaron para a casa unhas fermosas plantiñas que esperamos que co tempo dean ricos melóns.

"MINIHORTAS" DE TOMATES CHERRY

 Nos últimos días de cole reutilizamos uns vellos tuppers que había na clase que se usaran en cursos pasados para gardar pinturas, para poñer neles unhas sementes de tomates cherry. 

Decoramos as nosas "hortas" cuns debuxos dunha granxa, un sol e un granxeiro.

Coidámolas tan ben que aos poucos días xa naceran as plantiñas e medraban tanto que axiña pasaron por riba dos debuxos.

Leváronos moi contentos co seu traballo para as súas casas e alí seguen coidando as súas plantiñas.

Esperamos que pronto dean froitos e desfruten moito deles.

CORAX FAUNA

 O día 8 de maio o alumnado de 5 Anos A e B do CEIP de Arzúa realizou unha saíada didáctica ao centro educativo e de rescate da fauna salvaxe Corax Fauna, na localidade de Paderne, no concello de Betanzos.

Alí vimos de preto animais salvaxes como leóns, tigres, monos, lobos, hienas, xabaríns, etc.

Ademais de aprender cousas sobre os animais que nos ensinaron faláronnos do importante que é respectar e coidar a fauna de todo o mundo e non maltratar aos animais.

TEATRO DE SOMBRAS CON MATERIAL DE REFUGALLO

 Entre as actividades para a conmemoración do Día do Libro, os nenos e as nenas de 5 Anos A do CEIP de Arzúa fixeron teatros de sombras con materias de refugallo.  Utilizaron cartóns de caixas de galletas, restos de papel de forno e espetos dos que se usan na cociña ben lavados.

Con esta manualidade axudan a coidar a natureza e a desenvolver a súa imaxinación.

Quedaron moi bonitos e agora poden utilizalos para crear e contar historias con monicreques que poden facer con máis cartón e espetos para reutilizar.

AZALEAS PARA MAMÁ

 O alumnado da clase de 5 Anos A do CEIP de Arzúa fixo unha actividade moi ecolóxica para o día da nai.

Decoraron as metades dunhas botellas con gomets facendo motivos florais e logo plantaron en cada unha plantiñas de azaleas para agasallar ás súas nais no seu día.

Esperamos que lles gustasen e que as coiden ben para que medren moito.

PLANTAMOS MORILLÓNS

 A nai de Roque, de 5 Anos A, mandounos unha mores de plantiñas de morillóns para trasplantar.

Reutilizamos cartóns de leite e decorámolos para poñer as nosas plantiñas.

Coidámolas na aula uns días e comezaron a botar flores.

Logo os "peques" levaron cadansúa "maceta" para a casa e algunhas axiña comezaron a dar froitos.

Con esta actividade prenderon as partes dunha planta e os coidados que necesitan dun xeito moi divertido e nutritivo.

Tamén falamos da importancia de reutilizar envases e outros obxectos para xerar menos lixo e así axudar a reducir a contaminación.

O POBO INUIT E A PAISAXE POLAR

 Este curso no CEIP de Arzúa estamos a traballar as distintas culturas que hai no mundo.

Para o entroido a clase de 5 Anos A escollemos disfrazarnos de "esquimós" e por iso decidimos investigar e facer un traballiño sobre a cultura INUIT. Esta palabra significa "pobo", e non lles agrada que lles chamen esquimós, que significa "persoa que come carne crúa".

Aprendemos cousas sobre onde viven, que comen, como se desprazan, que obxectos usan e con qué os fan. Teñen uns xogos e uns intrumentos musicais moi chulos.

Tamén vimos que é a aurora boreal e os animais que viven preto dos inuit. Sabiades que no Polo Norte non hai pingüíns? Só viven no polo sur.

Falamos do quentamento global e do desxeo dos casquetes polares cunha poesía sobre un osiño polar que estaba moi triste por este motivo.

Fixemos un libriño no que recollemos as cousas que aprendemos e deixámosvos aquí unha pequena mostra das súas páxinas.

BOLSAS DE "SEGUNDA MAN"

 Seguindo o exemplo da profe Alicia, na aula de 5 Anos A do CEIP de Arzúa reutilizamos bolsas de papel que tiñan os peques na casa para levar os traballilos do segundo trimestre, no canto de mercar bolsas novas e evitar así tirar as vellas e xerar máis lixo.

Démoslles unha nova "vida" pegándolles papeis de cores e uns debuxiños.

Quedaron tan bonitas que se poden usar para gardar cousas e decorar os seus dormitorios.

AS VACAS E A FESTA DO QUEIXO DE ARZÚA

 Cada ano, na primeira fin de semana do mes de marzo celébrase en Arzúa a Festa do Queixo. 

Con este motivo, parte do alumnado do Ciclo de EI da EFA de Arzúa veu á nosa aula de 5 Anos A do CEIP de Arzúa para falarnos sobre as vacas e a súa importancia na paisaxe, na economía e na alimentación en Galicia.

Todo isto fixérono mentras xogamos ao "Twister do Queixo" e decoramos uns debuxos dunhas vacas.

E déronnos unhas medallas por facelo tan ben!