SAÍDA A PORTO DO SON

 Dentro do programa Ti si que es un bo peixe! o alumnado de 2º de EP desprazouse ata Porto do Son para mergullarse in situ nalgunhas das actividades relacionadas co mundo mar e da pesca. En concreto, tiveron o privilexio de coñecer de primeira man a importante labor das redeiras; así coma o crecente uso do plástico para confeccionar as redes de pesca e á contaminación que iso conleva para o mar.

No museo Marea recordamos o gran desastre medioambiental provocado polo afundimento do Prestige no ano 2002 e tomamos conciencia da importancia de coidar entre todas e todos da natureza.

Ademais, tamén descubrimos un montón de aspectos interesantes e descoñecidos do mundo do mar, entre os que se atopan, por exemplo, os diferentes aparellos de pesca, tipos de redes...